Stord kommune si pensjonsordning

Stord kommune har pensjonsordning hos KLP for tilsette på kommunalt avtaleverk, og hos Statens Pensjonskasse for tilsette på statleg avtaleverk.

Alle tilsette vert trekte 2% pensjonsinnskot frå løna.

Om tenestepensjonsordninga

• Ordninga omfattar alle tilsette (faste og mellombels) med ei arbeidstid som i gjennomsnitt tilsvarar minst 14 timar pr. veke.
• Ordninga garanterer medlemene ein samla alders-/uførepensjon på minst 66% av pensjonsgrunnlaget ved full opptening. Pensjonsordninga gjev òg rett til ektefelle- og barnepensjon.
• Pensjonane vert regulerte i samsvar med regulering av folketrygda sitt grunnbeløp.

Om Avtalefesta pensjon (AFP)

• AFP er den pensjon ein arbeidstakar har rett til i samsvar med denne tariffavtalen og vedtekter for avtalefesta pensjon i KS sitt tariffområde.
• AFP skal vera eit tilbod om frivillig avgang med pensjon.
• AFP gjeld for arbeidstakarar som har fylt 62 år og fyller særskilte vilkår.