Omsorgsløn

Hovudformålet med omsorgslønnsordninga er å bidra til best mogleg omsorg for dei som treng hjelp i dagleglivet, og gjera det mogleg for private omsorgsytarar å halda fram med omsorgsarbeidet.

Ordninga gjeld både gifte og andre frivillige omsorgsytarar utan omsorgsplikt.Omsorgslønn omfatter også foreldre og deire mindreårige barn dersom omsorga overstig omsorgsplikta.  

Omsorgsløn er ikkje ein rett på lik line med andre tenester etter sosialtenestelova §4-2. Det er difor noko større rom for kommunalt skjøn i desse sakene. Når kommunen skal vurdere om ein skal tilby omsorgsløn, sosialtenestelova §4-2e, er dei viktigse momenta:

• Om omsorgsarbeidet er særleg tyngjande
• Om omsorgsarbeidet gjeld nødvendige omsorgsoppgåver
• Om omsorg frå søkjaran er det beste for den som treng hjelp
• Kommunen sine ressursar

Omsorgsarbeidet må ha eit visst omfang for at det skal bli vurdert som særleg tyngjande.For å vurdere om omsorgsarbeidet er særleg tyngjande legg ein vekt på følgjande:

• om søkjaren arbeider mange timer pr mnd med omsorgsarbeid
• om omsorgsarbeidet er meir fysisk eller psykisk belastande enn vanleg
• om omsorgsarbeidet medfører mykje nattarbeid eller avbrot i nattesøvnen
• korleis omsorgsarbeidet er fordelt over tid
• om omsorgsarbeidet fører til sosial isolasjon og mangel på ferie/fritid
• om søkjaren har omsorg for meir enn ein person
• om omsorgen klart overstig vanleg omsorg for barn på same alder

Omsorgslønn blir gitt til den som har omsorgsarbeidet; ikkje til den som treng omsorg. Likevel har både den som gir og den som treng omsorg rett til å søkje om omsorgslønn og klage på kommunen sitt vedtak i saka.

Du finn søknadsskjema for tenesta i informasjonsboks oppe til høgre på denne sida.

Søknadene vert handsama fortløpande.

Kundetorget tek stilling til og avgjer søknaden. Søkjaren, eventuelt verje eller nærmaste pårørande vert kontakta av sakshandsamar for å kartleggja bistandsbehovet.
Tildeling av tenester skjer etter individuell og fagleg vurdering. Søkjar vil få tilsendt skriftleg vedtak.
Du har rett til innsyn i dokumenta som vedkjem di sak. Du kan ta nærmare kontakt med Kundetorget dersom du ønskjer dette.

Du har rett til å klaga på enkeltvedtak. Klagefristen er 3 veker frå du har motteke melding om vedtak. Eventuell klage skal sendast Kundetorget. Dersom du ønskjer det, kan du få hjelp til å skrive klage i Kundetorget.
For vedtak etter Sosialtenestelova er det Fylkesmannen i Hordaland som er klageinstans.