Heimesjukepleie

Alle personar som bur eller mellombels oppheld seg i kommunen, og som treng helsehjelp, kan søkja kommunen om å få det. Helsehjelpa er avgrensa til sjukepleie i heimen.

Hjelpetiltak vert samordna og formidla til aktuelle samarbeidspartar i samråd med brukar.

Søkjaren må ha behov for nødvendig helsehjelp etter kommunehelsetenestelova §2-1. Heimesjukepleie er ei av oppgåvene kommunen skal yte etter kommunehelsetenestelova §1-3.

Heimesjukepleie kan bli tildelt som ei enkeltteneste eller i lag med andre omsorgstenester for å stetta brukaren sitt behov for bistand på eit forsvarleg nivå.

Du kan kontakte Kundetorget for å få hjelp til å søkje ,eller du kan be andre hjelpe deg dersom du har behov for det. Dersom ein annan søkjer på vegner av deg, må vedkomande ha fullmakt.

Du finn søknadsskjema for tenesta i informasjonsboks oppe til høgre på denne sida.

Søknadene vert handsama fortløpande.

Kundetorget tek stilling til og avgjer søknaden. Søkjaren, eventuelt verje eller nærmaste pårørande vert kontakta av sakshandsamar for å kartleggja bistadsbehovet.

Tildeling av tenester skjer etter individuell og fagleg vurdering. Søkjar vil få tilsendt skriftleg vedtak.

Du har rett til innsyn i dokumenta som vedkjem di sak. Du kan ta nærmare kontakt med Kundetorget dersom du ønskjer dette.

Du har rett til å klaga på enkeltvedtak. Klagefristen er 3 veker frå du har motteke melding om vedtak. Eventuell klage skal sendast Kundetorget. Dersom du ønskjer det, kan du få hjelp til å skrive klage i Kundetorget.

For vedtak etter kommunehelsetenestelova er det Stord kommune sitt arbeidsutval for helse-og sosialsaker som er første klageinstans. Dersom kommunen sitt vedtak blir oppretthalde, blir saka sendt  vidare til Helsetilsynet i Hordaland til endeleg avgjerd.