Legemiddelassistert rehabilitering

Legemiddelassistert Rehabilitering er eit frivillig behandlingstilbod til opiatavhengige. I Noreg vert dette tilbodet regulert av retningsliner gitt av Helse- og omsorgsdepartementet.

Målsetjinga med behandlinga er å verta rusfri, yrkesmessig og sosial rehabilitering samt betre helse og auka livskvalitet.

Rehabiliteringa er basert på individuell tilrettelegging ut frå søkjaren sine ressursar og funksjonsevne. Søkjarar har ei lang historie som rusmiddelavhengige og som pasientar i behandlingsapparatet. Rehabilitering er ein langvarig prosess.

Rehabiliteringa vert etablert lokalt i søkjaren sin heimkommune/bydel og vert organisert gjennom forpliktande samarbeid mellom kommunen, NAV, helsetenesta (primærlege) og det regionale senteret. Resultatet av behandlinga er avhengig blant anna av kvaliteten på dette samarbeidet. Ein føresetnad for vellukka resultat er langsiktig planlegging og involvering frå aktuelle instansar.