Feiing og tilsyn med eldstad

Tenesta skal medverke til god fyringsøkonomi, mindre forureining og redusert fare for pipebrann og brann i bygningar.

Feieavdelinga i Stord kommune gjennomfører feiing av alle skorsteinar både i Stord og Fitjar kommune anna kvart år. I tillegg til feiing gjennomfører feiarane bustadtilsyn kvart 4. år i alle bustader som har skorstein.

Oppføring av skorstein er søknadspliktig til byggjesaksavdelinga i kommunen medan montering av eldstad er meldepliktig til feiarvesenet.

Eigarar eller brukarar av bustader med fyringsanlegg/pipe.

Eigar eller brukar av bygninga må gi feiaren tilgang inn i bustaden for å kunne gjennomføre tilsynet.

Eigar eller brukar av bygninga skal sikre tilfredsstillande tilkomst til skorstein og eldstad (fyringsanlegget).

Feiaren skal også kunne gi informasjon om brannvern og rett fyring i tillegg til t.d.  kontroll av brannsløkkingsutstyr og røykvarslarar.

Kommunen ved brannsjefen skal sikre tilfredsstillande feiing og tilsyn av fyringsanlegget.

Feiing og tilsyn av fyringsanlegg er ei lovpålagd teneste som blir regulert gjennom føresegner i brannlovgjevinga.

Brann– og eksplosjonsvernloven 

Forskrift om brannforebyggende tiltak og tilsyn (spesielt kapittel 7)

Forskrift om stillaser, stiger og arbeid på tak m.m.

Alle installasjonar eller endringar på skorstein og eldstad skal meldast til Brann- og redningsetaten ved seksjon for feiing og tilsyn.

Kommunen krev ei avgift som skal dekkje utgifter kommunen har til tenesta.