Tannhelseteneste

Dette er ikkje ei kommunal teneste. Det er fylkeskommunen som har ansvar for den offentlege tannhelsetenesta. Dei skal sørga for tannhelsetenester til alle som bur eller oppheld seg midlertidig i fylket.

Kven får behandling?

Den offentlege tannhelsetenesta skal gi oppsøkjande og gratis tilbod til:

• Born og ungdom frå 0 – 18 år (ut heile året dei er 18 år)
• Psykisk utviklingshemma i og utanfor institusjon
• Grupper av eldre, langtidssjuke og uføre i institusjon og heimesjukepleie.  
• Ungdom som fyller 19 og 20 år i behandlingsåret betalar 25% av takstar fastsett av departementet.
• Personar med rusproblem.Tilbodet er avgrensa til personar med langtidsopphald i rusinstitusjon og personar i den kommunale rusomsorga  som mottek tenester etter § 4.2 i Lov om sosiale tenester.
• Andre grupper som fylkeskommunen har vedtatt å prioritera.

Utgifter til tannregulering vert dekt med inntil 75 % frå Folketrygda etter søknad. 

I tillegg til dei prioriterte oppgåvene gir ein tilbod om behandling til vaksne, betalande pasientar ved dei fleste klinikkane, avhengig av kapasitet.

Den offentlege tannhelsetenesta har også tilbod om lystgass/Dormicum ved enkelte klinikkar.

I Hordaland har narkomane eit spesialtilbod. Straxhuset i Bergen har inngått avtale med Den offentlege tannhelsetenesta om eit lavterskeltilbod. Behandlinga vert utført på Tannklinikken Legevakten 2 dagar i veka.