Trafikksikringsplan

Kommunen sin gjeldande trafikksikringsplan er frå 2004 og komite for næring , miljø og kultur (NMK) har vedteke å rullera / revidera planen.

Planen skal byggja på Statens vegvesen sin rettleiar for kommunale trafikksikringsplanar. Planarbeidet vil omfatta registrering av grunnlagsinformasjon (ulukkesstatistikk , innspel til planarbeidet frå ulike hald m.v), analyse av problemstillingar, framlegg til tiltak og prioritering av desse samt utarbeiding av handlingsplan på både kort og lang sikt.

Kommunen har ansvaret for å samordna alt trafikksikringsarbeid i Stord og må difor spela ei aktiv rolle med å fremja framlegg til tiltak, samt påverka dei prioriteringar som også vert gjort på statlege og fylkeskommunale vegar. Trafikksikringsplanen vil i den samanheng vera det dokumentet som skal synleggjera kva kommunen ynskjer å prioritera.

Trafikksikringsarbeidet omfattar ikkje berre fysiske tiltak på vegnettet, men også i stor grad haldningsskapande arbeid.

Fristen for å koma med innspel til arbeidet med trafikksikringsplanen var 8. oktober 2011.

Gjeldande plandokument

• Trafikksikringsplan
• Trafikksikringsplan – kartdel