Svangerskapsomsorg

Svangerskapskontroll på helsestasjonen (jordmorteneste) er først og fremst eit tilbod til gravide for å bidra til god helse under svangerskapet. Kommunen skal tilby helseundersøkingar, rådgiving, opplysingsverksemd samt samlivs- og foreldrerettleiing.

Jordmor kan også tilby prevensjonsrettleiing.

Jordmor sitt arbeidsområde

• Det normale svangerskap
• Den normale fødsel og barselstid
• Familieplanlegging og prevensjonsrettleing

Jordmor samarbeidar med bl.a. lege, fysioterapeut og helsesøster.  Gravide går vanlegvis til kontroll hos både jordmor og eigen lege, etter eit fast program. Jordmor tek òg imot gravide til samtale, og ho tilbyr fødselsførebuande kurs.

Jordmor legg særleg vekt på

• Tiltak som fremjer god helse og naturleg utvikling av svangerskapet
• At du/de som foreldre får ein god start saman med det nye barnet
• At du føler deg trygg i forhold til den føreståande fødselen
• At du er førebudd på barseltid og amming
• At du har kjennskap til dine rettar som gravid, fødande og barlselkvinne

Ta kontakt dersom du...

• kvir deg for å verta gravid p.g.a ein tidlegare tøff fødsel
• treng å rådføra deg, eller samtala om abort
• har spørsmål

Gravide.

Dette er ei lovpålagd teneste.

Forvaltningsloven

Lov om pasient- og brukerrettigheter kap. 7

Lov om kommunale helse- og omsorgstjenester m.m. § 3-2

Forskrift om kommunens helsefremmende og forebyggende arbeid i helsestasjons- og skolehelsetjenesten §§ 2-1 og 2-3

Du treng ikkje å søkje om å få svangerskapskontroll. Du kan kontakte den helsestasjonen du soknar til for å bestille ein time.

Har du søkt helse- og omsorgstenester frå kommunen, kan du klage på avgjerda (etter pasient- og brukerrettighetsloven):

• Fristen for å klage er fire veker frå du tok imot vedtaket.
• I klaga beskriv du kva forhold du klagar på og grunngir dette. Kommunen kan gi rettleiing ved behov.
• Send klaga til den instansen som fatta vedtaket. Dei vil vurdere om det er grunn til å gjere endringar.
• Dersom vedtaket ikkje blir endra, kan du klage til Fylkesmannen.

Du kan også klage på sjølve utføringa av helsetenesta du får: 

• Send klaga til den instansen som yter tenesta, slik at ein har høve til å løyse saka på lågaste nivå.
• Dersom klaga blir avvist, eller kommunen meiner at rettane dine er oppfylte, kan du klage til Helsetilsynet i fylket.

Jordmødre i Stord kommune

Sissel Tuft Baldersheim
kontor i helsestasjonen på Leirvik
Tlf. 53 49 69 90.
E-post: sissel.baldersheim@stord.kommune.no

May Wille Austlid
kontor i helsestasjonen i Sagvåg (Blåbygget)
Tlf. 53 49 68 54 / 53 49 68 64
E-post: may.wille.austlid@stord.kommune.no

Pris:
Tenesta er gratis.